查看完整版本: 广州水货市场全剖析

广州水货市场全剖析

经多次的买水货经验，已对广州的水货行程有一定的了解。水货手机主要来源于深圳，先同大家讲下一D买水货手机的地方啦！
陵园西手机街
      几年前喺果边买过一部moto的手机，果时咩都唔识，见到比起出面便几百蚊，就帮距买咗。老板仲话有全国联保，后来手机出问题，我摞去维修点，师傅话我的手机保修纸上的串行码错误，无得保修。我果时先知道陵园西的手机点解便几百啦！原来无得保修的。事隔几年，我都无点去过果边，但系每次行过果附近，都见到有无人问要唔要卖手机，好明显果D人就系陵园西手机街的人，见到都惊。好有可能去果度买部新手机，系翻新机。
原色手机通讯
       之前同朋友去买机，要咗台索爱的，朋友买之前已经检查得好仔细，果时见到手机入面有一两首歌，跟住我地要求换过部，但服务员话已经系最后一部，距解释话D歌系岩岩拉入去，无问题既。果时我地又赶时间，就买咗！点知岩果咗7日包换的期限，第八日手机出问题了，电话打唔入！马上摞去换，同个服务员纠缠咗好耐，先肯换一台。之后都无咩了，但买完果部之后都对原色失去信心，后来仲听到有唔少类似的消息，话原色D手机唔店，之后，我都唔睇好原色噶啦。
超时空手机通讯
      宜家用紧部都系喺超时空买的，都一年了，仲未发现有问题，可能果时买机睇得好细心咯。不过次次带朋友去超时空买机，D朋友都会掉头走，因为超时空D人成日问要唔要以旧换新，即系话距地会回收手机，所以个个都有D怕怕。
盈讯手机通讯
       盈讯D机比人贵，不过间店就装修得几豪气，但自己比工商局查出距地卖流机之后淡咗好多了，我以前喺果度买过机，都唔耐用，所以都系得个睇，最好唔好去了 。
幻想曲手机通讯
      当今最红都系距啦，个名响晒，宜家次次都系带人去幻想曲噶啦！有保证，不过，D服务就真系差了，服务员完全唔洗招呼你既。打电话发短信咩都有，哎。有种无奈的感觉，不过D机质量应该仲可以下。
       其实买水货一定要小心睇，买之前上论坛了解清楚相关信息，最紧要睇清楚系咪翻新机，仔细D，就可以买到好野。